تک بیتی،دو بیتی،رباعی های ناب  

 

 
 
تک بیتی، دوبیتی، رباعی های ناب ترکی 12
 

***

ائله نازيله سوزور نازلي گؤزوندن باخيشي

يئتمه ميش گؤزگويه گؤزلردن اوزاق ياسلانيري

صائب تبریزی

***

ایاغدان دوشموشم ساقی الیمده ن توت ایاغیله

الینده ساغر زرین گوروم همواره وار اولسون

قیزیل گول غنچه سی تک لخته لخته قان اولان کونلوم

آچیلماز بیرده عالمده اگر یوزمین باهار اولسون

میرزا عبدالحسین خازن

***

گوز یاشیم دان قورخورام کونلوم ائوی ویران اولا

سرریمیز عالم لره فاش اولماغا شایان اولا

داش دییرلر صبرلن بیر گون دونر یاقوت اولار

بعلی ممکون دور بوایش کونلون گرک کی قان اولا

میرمهدی سید زاده

***

دام تزویر اهلی نین صوم و صلاتیندن حذر

"نعبد ایاک"-ده خود محض کفران آختاریر

قمری دربندی

***

ای منیم له دولانان آی ایشیقی بول سوزومی

بو کونول پاره دی سن سیز لیغا یوخدور دوزومی 

سنه هرگون گر ائدم مین قوزی قوربان آز اولار

وار خیالیم کی ائدم یاریما قوربان اوزومی

؟

***

منه هر بير درد اولسا قاشلارون لعلون دوا ائيلر

عجب هنگامه دير گور درد کيمدن دير دوا کيمدن

سالک

***

يوزونو مندن نهان ائتمك ديلرسن ، ائتمه گيل

گؤزلريم ياشين روان ائتمك ديلرسن،ائتمه گيل

 قويموشام عشقينده من كؤن و مكانين واريني

جان ندير كي قصد جان ائتمك ديلرسن ائتمه گيل

نسيمي

***

ای دئین غیره کونول وئرمه ، هانیی منده کونول ؟

سر زلفونده اولان ، بخت قرادن غیری

قئلدی مجنون کیمی چؤخلار هوس عشق ولی

دور مادی درده ، من بی سروپادن غیری

؟

***

فلیین بیر بئله دؤورو اولاجاغمش، نه‌بیلیم؟

سارالیب، باغ و گولوستان سولاجاغمش، نه‌بیلیم؟

عاشیقه ناز ائله‌مک عادت اولوب معشوقه

بو قدر ناز ائله‌ییب جان آلاجاغمش، نه‌بیلیم؟

حسنعلی خان قاراداغی

***

آشيان مرغ دل، زلف پريشانيندادير

قاندا اولسام ائي پري كؤنلوم سنين يانيندادير

بس كي هيجرانيندادير خاصيت قطع حيات

اول حيات اهلينه حئيرانام كي هيجرانيندادير

فضولي

***

ﺍﻳﭽﻴﺐ ﻫﺮ ﺷﺎﻡ ﻣﺌﻲ ﻳﺎﺭ ﺍﻳﻠﻪ ﺍﺋﻴﻠﻪ ﺩﻳﻢ ﻫﺮﺳﺤﺮ ﺗﻮﺑﻪ

ﺳﻴﻨﺎﺭ ﺳﺎﻋﺖ ﺑﻪ ﺳﺎﻋﺖ ﺷﻴﺸﻪ ﻱ ﻣﺌﻲ ﺩﻳﺮ ﻣﮕﺮ ﺗﻮﺑﻪ

ﺧﻴﺎﻟﻴﻤﺪﺍﻥ ﺧﻄﻮﺭ ﺍﺋﺘﻤﺰﺩﻱ ﻛﻴﻢ ﺩﻟﺒﺮ ﺍﻭﻻ ﺳﺎﻗﻲ

ﺑﺎﻏﻴﺸﻼ ﺟﻮﺭﻣﻮﻣﻮ ﻛﻴﻢ ، ﺍﺋﻴﻠﻪ ﻣﻴﺸﺪﻳﻢ ﺑﻲ ﺧﺒﺮ ﺗﻮﺑﻪ

سید عظیم شیروانی

***

ایسته رم یاره یازام هجرده حال و دیلمی 

واحدا نطق گلیر می بو چنین تحریره

علی آقا واحد

***

دونیالار علمینه عالیم اولانا باش چکه سن

دئیه جک آزجا بیلیر آرتیغینی بیلمه لی دیر

یئدی قات جهلیده علم آنلامینی بیلمه یه رک

عالیمم سؤیله یه نین احوالی چوخ گولمه لی دیر

حکیم هیدجی

***

تنگ اولور باشیما تک لیک ساری، عا لم گئجه لر

بیر نفر اولمادی منله اولا همدم گئجه لر

بیر منم، بیر بو قلم ، بیرده بو ویرانه کونول

اوچوموزده گلیریک ناله یه باهم گئجه لر

عباس بارز

***

گوره سن من نئیه یا رب بئله نالان اولدوم

غلط ائتدیم کی سنه واله و حیران اولدوم

اودا یاخدین من بیچاره نی پروانه کیمی

آجیقین گئلدی مگر عاشق انسان اولدوم

شیخ ابوالقاسم نباتی

***



:: موضوعات مرتبط: سچیلمیش تورکی شعرلر
 
  نوشته شده توسط زهرا در شنبه نوزدهم مهر 1393

 




 
 
تک بیتی، دوبیتی، رباعی های ناب ترکی 11
 

***

خاک اولدوم اُول کمان ابرو اوخين صيد ايتمگه

بيلمديم کوک ياييدن دوشمزيره تير شهاب

صائب تبریزی

***

اورک بیر قوشدی، اما دانه سیز دیر

اوچوب جنّت باغیندان، لانه سیزدیر

عنایت قیل، قاپیندان قوُوما، لیلی!

کی مجنون خانه و کاشانه سیزدیر

نظمی تبریزی

***

هر باخیشدا چالیبان کیپریگی مضراب کیمی

بیر قولاق وئر بو سینیق قلبی نه ساز ایله میسن؟

شهریار

***

دامی گيزلتدی فلك دانه نی گورستدی منه

خامديم انلاماديم دامه چئكور دانه منی

چوخ تلاش ايليورم تا كی بو زنجيری قيرام

ديده دن بند ائليوب زلف پريشانه منی

صادقلو کیوی

***

دئدیم: ای فتنه منی بی سرو سامان ائله دین

دئدی: هر کوچه ده یوز بی سر و سامانیما باخ!

دئدیم: اُول چاه کی یوسف اوتا دوشدی هارادی

دئدی: چوخ گئتمه اوزاق چاه زنخدانیما باخ!

نظمی تبریزی

***

باشیندا قارلی داغلارا دانیشدیم آیریلیق  سوزون

بیر آه چکیب  باشینداکی  قار  آغلادی من آغلادیم

هوشنگ جعفری زنگانلی

***

آلیب  اطرافیمی  غم غصّه   یانیر   احساسیم

یارالی    روحومو    مانند كماندیر   یارب!

داحا   ظولمتلره   توش   ائتمه   یانیق بو کؤنولو

یازیغین   نفعینه   تقدیری    دولاندیر  یارب!

دادا بیلوردی

***

يازيقام وورما  وفا ريشه  سينه تيشه  نی  هر د م

قوريان گوللريمون ريشه سی بير تيشه دن اولدی

اوجفا دن  نه  دئيم دوتدی چوروتدی منی  صادق

او تنومند  اغاجون آفتی  چون   ريشه  دن اولدی

صادقلو کیوی

***



:: موضوعات مرتبط: سچیلمیش تورکی شعرلر
 
  نوشته شده توسط زهرا در شنبه بیست و هفتم اردیبهشت 1393

 




 
 
تک بیتی دو بیتی رباعی های ناب ترکی10
 

***

غم داغی اینان، قامتیمی ایدی کمان‌تک،

آنجاق منی سیندیرمادی بیر لحظه بوران‌دا

دؤوران منه نه وئردی، نه گئیدیردی، سوروشما،

روزوم غضبیم، پالتاریم عیبیم‌دی جاهان‌دا

صائب تبریزی

***

خــانـه  کؤنلومی  ییخـــدین  بو  ستـــم  داشی ایلـــه

مـلک دل  بیــر بئله  ویـــران  اولاجاقمیش، نه بیـلیـــم

یـار  نظــر  ائتمیشیـــدی  بوســـه  وئریب  جانیـــم  آلا

اول جفـا پیــشه  پشیمــان  اولاجاقمیش، نه بیــلیـــم

علی آقا واحد

***

تاپشیرما منی خاطیراتا، ائیله‌مه میسکین

یول گئتمه‌یه وار قوّتیم، آزاد ائله اون‌دا

صائب تبریزی

***

اشــک موجــی گــزدیرر هــر یــان تن خاشاکیمی

ممکـن اولمــاز اشـک تحـریک ایله تسکینیم منیم

فضولی

***

باغلادیم قلب ائوینی دوشمویه بیرده ته لیه

ظالیم آلتدان باخالی گوزلری شهلا دولاشیر

گئجه لر ساکن اولوب صبجه قده ر آرزیلیرام

قورویام گوزلریمی توک لری یلدا دولاشیر

حسن کیانور

***

سن گئت اغياريله بير عؤمر ياشيلليق لاري گز

ارخايين گل قاناد آچ من قالانام عشقينده

علی آقا واحد

***

ای گــؤز! اُول نـرگس خـونخواره  نگاه ائتمه داهی

روزگـــاریــم   غــم هجــر ایـــله سیاه ائتمه داهی

ای گؤزوم یاشی، بو سرگشته لیگین، ترکین قیل

ســرو قـــامـت لــره قطــع ِ ســر ِ راه ائتمــه داهـی

فضولی

***

من یاریمه مست اولموشام ای سـاقی گتیـــرمه!

می مست اولاجاق من تکی مستانه نی گؤرسه

حامد مرادی(وامق)

***

خسته كؤنلوم دار قفسده چيرپينير شام و سحر

زير بنادان ترپه نير پي سيز دي ديواريم منيم

صامت

***

گوزلریمه هر تبسم سانجیلیر نئشتر کیمی

کیپریگی خنجردی، آه، اول بی وفا یاریم منیم

آسمان آلدی کناریمدان آی اوزلو یاریمی

یاش توکر اولدوز کیمی بو چشم خون‌باریم منیم

شهریار

***

مخمور گؤزون قویمادی بیر کؤنلومی راحت

بیردم بو ستم خانه‌سی مستانه‌سیز اولماز!

علی آقا واحد

***

من بيچاره يه رحم ائت، كرم ائت بيرجه دايان

اسمه اي باد صبا زولفي پريشان ائله مه

نه او حال اهلي يم اي دل كي قيلام ترك ديار

بو دياري منه سن گوشه ي زندان ائله مه

صامت

***

اویموشام ایللر بو ظاهربین گوزون فتواسینه

اَیری لر دوز گورموشم از بس، گوزومدن کوسموشم

عاصم اردبیلی

***

مــدور نقطــه ی خــالــون، ببــک دن عینینــه قــونــدی

ببک سیز قالسین اول گوزکی بو خالین قدرینی بیلمز

نـــهالـــون اعتـــدالیــنـــدان، اوتـــانــار ســدره و طــوبی

بــو قــدی بنــزه دن ســروه، نــهالیــن قــدرینــی بیلمـز

نسیمی

***

ایسته دیک سیره چیخاق ماوی سمالرده بیر آن

سیندی قُول یاندی قاناد سیر محال اولدو نه دن؟

آی کیمین آیدین یدی (عاصمه) ناحقّیله حق

پس حقین قامت موزونو هلال اولدو نه دن؟

عاصم اردبیلی

***

قیــامت ده حســابی اولمــایـان لاردان دیــر اُو غــافـل

کــی فـــرق ایـلـر فراقیــن شامینــی ، صبح قیامت دن

فضولی

***

ای کؤنول عمرومو وئردین یئله ، عاشق لیگ ایـله

باخمـــا هـــرغنچـــه لـب و گلـرخه، آه ائتمه داهی

باخـما ای جـان ، خـط ِ  رخساریـنه  محبوب لـرین

احتیــاط  ایــله ، گنـــاه اوزره گنـــاه ائتمــه داهــی

فضولی

***

بوباغین بولبولو بیرده ن بیره لال اولدو نه دن؟

قوزقونا قارقایا جولانه مجال اولدو نه دن؟

شانلی یازکسمیشیدی قاره قیشین بوز نفسین

یازا چیخمیش صونالار غرق ملال اولدو نه دن؟

عاصم اردبیلی

***




:: موضوعات مرتبط: سچیلمیش تورکی شعرلر
 
  نوشته شده توسط زهرا در شنبه یازدهم خرداد 1392

 




 
 
تک بیتی دو بیتی رباعی های ناب ترکی9
 

***

آي چيخميشيدي، زولف پريشانين اسيردي

زولفون اُو  پريشانليغيمي  ياديمه سالدي

آيدين گئجه  زولفون  داغيليب دالغالانيردي

هيجران چكن اول گونلريمي ياديمه سالدي

صامت


***

دونیادان اوز دوندریب من آشنا دن کوسموشم

کبردن، تزویردن، رنگین ردادن، کوسموشم

من محبت سائلی اولدوم ولی گوردوم جفا

باش یازیمدان، بخت دن، قدرو قضادن کوسموشم

حسن کیانور


***

اي كاش اوْلميايدي كؤنول پاي بند عشق

يا درد عشقي چكمگه تابيم اوْلايدي كاش

صراف تبریزی


***

بيلمم نئجه بير ايشدي كي عشاقي هميشه

بيچاره و آواره و بيكاره دئييرلر

عشق اوْلماسا چايلاردا حزين زومزومه اوْلماز

قارتاللاري قوْنمازلار اوْل داغلاره دئييرلر

موغانلي سرمد


***

كيتاب حسنوني قاب ائتميشم منده سينيق قلبه

اوْنا يئر وئرميشم اوْردا اؤزوم آهسته، آهسته

سیدمحمود عبادی


***

مه شبگرد اگر گورسون اونين خورشيد رخسارين

کمند ايلر اوني صيد ايتمک ايچون هاله زنارين

شکرخند ايليينده نيلسون عشاق ايلن يارب؟

که آجي سوزلر ايلن جان ويرور لعل شکربارين

 

صائب


***

وئرمز اوْل قدر امان منه اغيار تنگ چشم

بير جان كيمي آلام سني آغوشه تنگ، تنگ

صراف تبریزی


***

يئتيشن كامه رقيبيمدي، يانان عشقيده من

نئيله ييم چاره نه دير بلكه ده قسمت بوائيميش

مهلت ايستردي ازلدن منه فرصت، دئدي وئر

دوشدو فرصت الينه وئرديگي فرصت بوائيميش!

موغانلی سرمد


***

قطع اميد ائدمه رم دولدور سالار اود قلبيمه

عاشقه جور و جفا دير چونكي رسم روزگار

صامت


***

لبينده عاشقه اوْلسـايدي استـفاده يئــري

قدح ده قانه دؤنوب قالماز ايـدي باده يئــري

علی آقا واحد


***

بيلمم منه نه سئحر اوْخودو مست گؤزلرين

مجنون كيمي توش ائتدي بيابانا كؤنلومو

نباتی


***

او گون كي قسمت ائدوبلر وجودي جزء به جزء

وئروبله رشته صبر و قراري يار الينه

صراف تبریزی


***

آهو باخیشلی گؤزلرینین مبتلاسییم

کؤنلوم کمندی زولـف ایله چوخدان شیکار ایمیش

اولدوم اسیری بیر گؤزه لین، ایندی بیلمیشم

مجنون   نه وجه دن   وطنیندن   کنار   ایمیش

علی آقا واحد


***

زولفون كيمي بختيم قارا دير، سيل دور اشكيم

مژگانيلرين قتليمه خنجر، گئجه گوندوز

سن سيز ليگه اي گول داها بوديلده تاوان يوخ

مين يئردن ائدر حمله بو غملر گئجه گوندوز

سیدمحمود عبادی


***

بیر غلط سؤزدور کی دئیرلر گنج اوْلور ویرانه ده
گنج یوخ ، ویرانه چوخ ، ویرانه لردن کوسموشم

نباتی


***

نه احتياج که ساقي ويره شراب سنه؟

که ئوز پياله سيني ويردي آفتاب سنه

شراب لعلي ايچون توکمه آبرو زنهار

که دمبدم لب لعلين ويرور شراب سنه

صائب


***

نه چوخ – چوخ شيرينديركي اليندن جام زهر آلسام

دئسه ن كي وعده ي وصلي ندن هيجرانه دؤندردين ؟

موغانلی سرمد


***

بلادان جان  قاچيرماز عهدينه  ثابت  قالان  عاشق

آدي اوستونده دير، طوفان قوشو طوفاندان آيريلماز

دئسم  جانيم  سنه قربان ، ده گيل  بو  شأنينه  لايق

دئسم كؤنلوم سنه پيشكش، كؤنول كي، جاندان آيريلماز

كريم مشروطه چي (سؤنمز)


***

اي عشق  ائويني  باده وئرن يانديران  آتش

گؤز يوْلدا قوْيوب سينه لري داغلادان هجران

ال چك بو جفا پيشه  ليگيندن  داها  بسدير

رحم ائيله گيلن عاشقه اي شارلاتان هجران

صامت


***

هجرينده  قويما سيل اولا بو گؤز  ياشيم گؤزل

قورخوم بودور كي اشكيم ائده چون فنا سني

سید محمود عبادی


***

دولدو پرونده عشقيم غم ايله باغلاندي

چوخ شكايت ائله ديم اولمادي بير دادرسيم

ايندي من سانكي قوشام كنج قفسده، سيخيليب

نه قاناد واردي اوچام، وار نه يووام كي تلسيم

یالقیز


***

فراقي چکمه ين عاشيق، وصالين قدريني بيلمز

جميله اولمايان واصيل، جمالين قدريني بيلمز

نسیمی


***

گؤزومده دلبرا سن موج اشكي قانه دؤندردين

بو دونياني فراقيندا منه زندانه دؤندردين

اوْل زلف عنبر افشاني عجب زنجير عشق ائتدين

دالينجا بوْينوما سالدين مني هر يانه دؤندردين

موغانلی سرمد

***



:: موضوعات مرتبط: سچیلمیش تورکی شعرلر
 
  نوشته شده توسط زهرا در چهارشنبه هجدهم اردیبهشت 1392

 




 
 
آنا
 
قدمین قویسا گؤز اوسته دییهﺭم جان آنامــا

چیخاری یوخدی گؤزون تا اولا قوربان آنامــــا

آغاران ساچلارینین هر بیریسی خاطیرهﺩی

قودرتیم یوخدو یازام شعر ایله دیوان آنامــــا


؟



:: موضوعات مرتبط: سچیلمیش تورکی شعرلر
 
  نوشته شده توسط زهرا در چهارشنبه یازدهم اردیبهشت 1392

 




 
 
تک بیتی دو بیتی رباعی های ناب ترکی8
 

/**/

***

دونیــــانیـــن نـــاز و نعیمـــی، بـــاغ و بستـــانی منـــه

سنسیـــز ای ســولطان خوبــان بند و زندان اولدی گَل

نسیمی

***

ای ملک سیما که سندن ئوزگه حیراندر سنه
حق بیلیر انسان دئمه ز هر کیم که انساندر سنه
وئرمییه ن جانین سنه بیلمه ز حیات جاویدان
زنده و جاویداونا دئرلر که قرباندر سنه
فضولی

***

باخمیشام گول لره، باغلاردا سنین تک یوخدور
باخ منه نازلی گولوم، آرزیم اورکده چوخدور

طوطی

***

زولفــونـده نه لازیم، گؤزلیم، شانه دولانسیــن؟

قویمــا او حرمخــانــه نــی بیـگانــه دولانــسیــن

عیــب ایلــه مه، کویوندا دولانسام گئجه گوندوز

شمعیــن گــرک اطرافینـــه پـــروانــه دولانسیــن

علی آقا واحد

***

بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام

واحد

***

من يانان اوددا اگر يانماسا پروانه گوزلدير
يار اگر ساقي اولا ايشمه يه پيمانه گوزلدي
دئديم اي دل قوي ايچيم باده سيني سرخوش اولوم
مي گوزل ساقي گوزل صاحب ميخانه گوزلدي

***

منــی منــع ائتــمه ای زاهـد، گوونمه ذکره ای صوفی

کــی سن مغــرورســان ذکــره منـــم مشــتاق دیداره

کی هــر بـلهم اضل بیلمز نــدور کی عشقیـن احوالی

ایرشمــز قــــاصـــرین عقلـــی بــو مغلــق ســر اسـراره

نسیمی

***

یاز قلم یاز. بو کونول پاسلی دمیرتک چورودی
توزلی طوفانه دوشوب . عشقیمی طوفان بورودی
بیر سینیخ کشتی کیمین هی آخارام ساغ سولوما
ناخدا عشقیم اولوب هر یره سویدی سورودی

***

یاز قلم یاز. بو کونول پاسلی دمیرتک چورودی
توزلی طوفانه دوشوب . عشقیمی طوفان بورودی
بیر سینیخ کشتی کیمین هی آخارام ساغ سولوما
ناخدا عشقیم اولوب هر یره سویدی سورودی

علی آقا واحد

***

گؤزو یاشلی لارین حالین، نه بیلسین مردم غافـل؟

کواکــب سرینــی، شـب تا سحر بیدار اولاندان سور

فضولی

***

چوخ سعی ائله دیم دوشمیه بلکه دیله دردیم
اما نه قیلیم چاره کی دیلدن دیله دوشدی
تک قویما گولوم شهریاری گل یئنه یوخلا
بیردن گوره سن تاپدی اجل فاصله دوشدی

؟

***

ای گــؤز! اُول نـرگس خـونخواره  نگاه ائتمه داهی

روزگـــاریــم   غــم هجــر ایـــله سیاه ائتمه داهی

ای گؤزوم یاشی، بو سرگشته لیگین، ترکین قیل

ســرو قـــامـت لــره قطــع ِ ســر ِ راه ائتمــه داهـی

فضولی

***

ســاقی دولانیـــم باشینـــا مئی جامینی گزدیر

سرمســـت اولـــوم، باشیمــا میخانه دولانسین

علی آقا واحد

***

فــراقـی چکمــه یـن عــاشیـق، وصالین قدرینی بیلمز

جمیـــله اولمــایـــان واصیــل، جمــالین قــدرینی بیلمز

نسیمی

***

خاقـانـی‌اؤز عشقینده ثابیت‌ قدم‌ اول‌ جان‌ قوی‌

‌‌ باش‌ گئتـمه‌ سه‌ بویولدا وصلینی‌ قازانمازسـان‌

خاقانی شروانی

***

حبّذا مجلسیمیز اهل صفا مجلیسیدور
محفل ذوق و صفادور، عرفا مجلیسیدور
بلبل و غنچه بشکفته و پروانه و شمع
جمله حاضردی حقیقت شعرا مجلیسیدور

کریمی مراغه ای

***

گـؤرمیــروخ گـــؤر نه زامــاندیر گـــؤزه جانانیمیزی

ای کـــــؤنول آلدیلار الـــده ­ن غَمــــه درمانیمیزی

سجـده گاهیــــدی اونون طرّه ی افشـــانی بیزه

ایتیــریب قبلــه­ نی گـــؤر نئینـه ­دیغ ایمانیمیزی!

حامد مرادی(وامق)

***

 



:: موضوعات مرتبط: سچیلمیش تورکی شعرلر
 
  نوشته شده توسط زهرا در پنجشنبه سوم اسفند 1391

 




 
 
تک بیتی دو بیتی رباعی های ناب ترکی7
 

×××
سوزلریم یازدیم داغا سیل تک آخدی گوزی

موج ویردی ساحله دریا کی بیلدی او سوزی

دوشدی طوفان عالمه بیلدی اورکده دردمی

عالم دوشدی بوران گوردی ناله های سردمی

؟

×××

دویموری چرخ فلک جور و جفادان چوخ شوکور

چکمیر ال مدتدی بیز بختی قارادن چوخ شوکور

الده توتموش بیر تیکه شور زیغ چؤره ک ظالیم فلک

قارشیلیق بیر یکه جان ایستیر گدادان چوخ شوکور

معجز شبستری
×××

ای فلک   چک دالییا گونلری رحم ایله منه

ممکن اولسا او کوچن بولبولو قایتارچمنه

بو گونون باش یازیسیندان خبریم اولسایدی

یالواراردیم  گونشه باتمادایان قال دونه نه

محمد هاتفی عین الدین

***

قویمادی بیر کیمسه نین یانسین چــراغی روزگار

چوخلو طویلاریاس اولوب الده  ن حنالر گئتدیلر

سنده ایی دل اولگیلان آماده بیر گون گئتمگه

بی وفا دنیانی بوشلا باوفــــــــالر گئتدیلر

شهودی بستان آبادی

×××

فله‌گین داد الینده‌ن

اوْلمادێم شاد الینده‌ن

یامان یئرده یێخێلدێم

تۇتمادێ یاد الیمده‌ن

؟



:: موضوعات مرتبط: سچیلمیش تورکی شعرلر
 
  نوشته شده توسط زهرا در جمعه دهم شهریور 1391

 




 
 
تک بیتی ها، دوبیتی ها و رباعی های ترکی 6
 

×××

بیچاره گوزوم هرگجه سن سیز باخار آغلار

قان یاشیله اولدوزلاری بیر بیر سایار آغلار

سن آیریلیقی خوشلادون اما گجه گوندوز

دفترده قلم شرح فراقون یازار آغلار

پیران قیداری

×××

تا کی گوزلر ساتاشدی گوزلرینین قاره سینه

دوزدی غمزه اوخونون یاره‌سی، کار ائتدی منه

الهامی علمداری

×××

یولوندا انتظار مقدمینله خاک اولان چوخدور

خرام ائت بیر قدم، من خاکساری سرفراز ائیله

فضولی! جانه تاپشیردین خیالین، ایندی رسواسان

سنه کیم دئیرکی هر نامحرمه، افشای راز ائیله

مولانا محمدفضولی

×××

نئچه ایل دیر کی گونش تار گلر اولکه میزه

یاز گونی باهار گونی قار گلر اولکه میزه

×××

اوزوم‌ده یاسلی گوزوم‌ده سوزوم‌ده شعریم‌ده

آچیق دئیم ساوالان داغلی‌یام نه ائتمه‌لی‌ام

عاصم اردبیلی

×××

هیجران گئجه سی، من چکنی چکمه سین اغیار

ظننیم جه قیامت گونو بوندان بتر اولماز

زولفون اوزونو توتسادا، گویچک لیگین آرتیر

ظلمت گئجه لر اولماسا آیدین سحر اولماز

واحد

×××

قوی اوپوم گوزلرووی بلکه اورک دینجل‌سین

سن ده بیر کلمه دانیش منده دیلک دینجل‌سین

شریفه جعفری

×××

برق اولمادی  قیزیم گئجه یاندیردی لاله نی
پروانه نین ، اودم ده باخیر دیم اداسینه
گؤردوم طواف کعبه ده یاندیقجا یالواریر
سؤیلور : دؤزوم نه قدر بو عشقین جفاسینه ؟

شهریار

×××

بولاق بولاق قورویوب بختیمین ایشیق گؤزه‌سی

قارانلیغا بورولان کور شلاله‌دن یازیرام

کاظم نظری بقا

×××

رنگی سولموش خزلم یللره تاپشرما منی

گوز یاشیمدان توکولن سللره تاپشرما منی

آند اولا الله ها بیرگون دوزه بیلمم سن سیز

آی لارا،هفته لره،ایل لره تاپشرما منی

پیران قیداری

×××

ایل کئچدی، باهار اولدو، خبر یوخ گولوموزدن،
گول آچمادی، قووزانمادی سس بولبولوموزدن.
بایرام گونوموز، یاسلى گؤروشلرله کئچر کن،
شادلیق نه اوماق بیز آییمیزدان ایلیمیزدن

شهریار

×××

شمعی صوندور دخی پروانه کی یاریم گلدی

گوله باخ آغلا بولوت نازلی نگاریم گلدی

نظامی گنجوی

×××

اگرچه ایینه تک کئچدیم جهانین جمله وارین دن

هنوز آردیمجادیر قید تعلق، زلف تارین دن

شهید عشق اولوب فیض بقا کسب ائیله مک خوشدور

نه حاصیل بیوفا دهرین، حیات مستعارین دن

محمد فضولی

×××



:: موضوعات مرتبط: سچیلمیش تورکی شعرلر
 
  نوشته شده توسط زهرا در یکشنبه چهارم تیر 1391

 




 
 
تک بیتی ها، دوبیتی ها و رباعی های ترکی 5
 

***

مجنون ایله من مکتب عشق ایچره اوخوردیق

من مصحفی ختم ائتدیم او "واللیل" ده قالدی

؟

***

ناوک غمزون ایچر قانیمی ای قاشی کمان

چشم مستون کیمی مخموردو، پیمانه ویرار

یانارام آتش هجرانووه باک ائیلمرم

شعله ی شمعه اؤزون رسمدی پروانه ویرار

صراف تبریز

***

بارالها سن اوزون دوشمنی می شاد ائیله

عومرون آرتیق ائله ییب منزلین آباد ائیله

یولوما سپسه تیکان هر کس اولا غم وئرمه

یولونو گولشن، اوزون سروتک آزاد ائیله

حسین نجفی- شادی

***

سینه بیر دشت مغان دیر، قوزی یان- یانه یاتیب

منیم آغلار گوزومی اوردا آراز ایله میسن

استاد شهریار

***

ساقی دولانیم باشیوا پیمانه دولاندیر

اخم ایلمه ناز ایلمه مستانه دولاندیر

مال ایستمیرم طالب شهرت دیرم من

یا رب قلان اوقاتیمی مردانه دولاندر

؟

***

مریده بنده‌ی پیر مغانم، عشق فیضیندن

نه ایسترسه‌م، اولور میخانه‌لرده مستجاب ایندی

علی آقاواحد

***

گوزلرین آچ بیر گئجه تا من گوروم میخانه نی

دونیانی ترک ایلییپ من دولدوروم پیمانه نی

وفا

***

نه گوزلدی کی قمارباز اوتوزا نه وارسا الده

نه قالا ائوینده بیرزاد نه قالا اومیدی چولده

نه گوزلدی کی قمارباز اوتوزا آخیردا باشین

نئجه منصورون قالیبدی هله «شادی» آدی دیلده

حسین نجفی- شادی

***

عاشیقه بیر گون دئدیم ترک ائله او یاری ، دئدی

بیلمیسن عشق آتشی له یاندیریپ غمخانه نی؟

هامینی ترک ائلرم هر کیمسه واردیر دونیادا

اما من ترک ائدمرم او ساقی دوردانه نی

وفا

***

نئجه خنجر دمینده مرغ بسمل اضطراب ائیلر

منیم کؤنلوم قوشی سندن اؤتور اوندان بتر تیترر

صراف تبریزی

***

دؤزموشم او قدر هیجرانه ، دؤزومدن کوسموشم
اوزموشم امید وصلیندن ، اوزومدن کوسموشم
اویموشام ایللر بو ظاهربین گؤزون فیتواسینه
ایری لر دوز گؤزموشم از بس ، گؤزومدن کوسموشم

عاصم اردبیلی

***

یاز قلم یاز. بو کونول پاسلی دمیرتک چورودی

توزلی طوفانه دوشوب . عشقیمی  طوفان بورودی

بیر سینیخ کشتی کیمین هی آخارام ساغ سولوما

ناخدا عشقیم اولوب  هر یره سویدی سورودی

***

هر قارا زولفون اسیری اولمارام بوندان سورا

ایندی عالم اوزگه‌دیر، خوش روزگار ایستر کونول

علی آقا واحد

***

کؤنول کؤنول سیزه غوربت‌ده ناله‌دن یازیرام

سینیق سینیق آیا، ایوان‌دا هاله‌دن یازیرام

آران‌دا بولدوزرین قانلی قیناغین گؤروره‌م

چمن چمن پوزولان غملی لاله‌دن یازیرام

کاظم نظری- بقا

***

بی غیرت آدام قصرده اگلش‌سه ده آنجاق

زندان‌دا شهامت‌له یاتان دوستاغا دگمز

هر بیر یاراماز قولدورا تعظیمه‌انن باش

ظالم باشینا اندیریله‌ن توخماغا دگمز

علی عسگر صادقی

***

بیر قدح می ایسته دیم، سیندیردی کونلوم شیشه سین

داش باغیرلی ساقی صاحب جفادان کوسموشم

چون اومان یئردن کوسرلر بیر مثل دیر خلق آرا

کوسدوگیم بیجا دگیل دیر آشنادان کوسموشم

ملاپناه واقف

***



:: موضوعات مرتبط: سچیلمیش تورکی شعرلر
 
  نوشته شده توسط زهرا در شنبه بیستم خرداد 1391

 




 
 
تک بیتی ها، دوبیتی ها و رباعی های ترکی 4
 

***
بحر بی پایانه شوقـون جـــانیمـــی غــــرق ایلــــه دی

گـــؤر نـــه بیـــداد ایله دی هجرون نه طوفان اولدی گَل

بو نسیمـــی سنـــدن آیــری بیلــدیگیـم یوخدور وجود

درد و درمان، وصل و هجران، جمله یکسان اولدی گَل

نسیمی

***
هـــاردا دیــوانه ساچیـــن تـــاجـــه بــرابـر بیلسـه

اوردا شاهنـان گدانیـن فرقینی اینسان بیلـمــه ز

صائب تبریزی

***
دئدیم ای گول من ازلدن ده گوزل عاشیقی یم

دئدی سن روحونو عشقیـله جوان ایله میسن

دئدیم هر گون سر کویونده دولانماقدیر ایشیم

دئدی  واحد  نه  گوزل یئرده  مکان ایله میسن

واحد

***
من که درویش اولموشام، شاها، جهاندان فارغم

بنده ی سلطان عشقم، این و آندان فارغم

نسیمی

***
افسوس کی، یاریم گئجه گلدی، گئجه گئتدی

هئچ بیلمه دیم عمروم نئجه گلدی نئجه گئتدی

آغابیم آغاباجی

***
ساتمیشام من باغ رضوانی،” نباتی” ، بیر جؤوه،

بو جهان مولکون سراسر آلمایام بیر دانگه من

سیدابوالقاسم نباتی

***
جــان و دل قیــدینــی چکمکـدن ئوزوم قورتاردیم

جــانی جـــانـــانییـــه ائتـــدیم دلــی دلـــداره فدا

نسیمی

***
آییملماز جهل اهلی، “واحد”، هرگز خواب غفلتدن

مگر اهل ریادن ترک اولار افسانه لر بیر بیر

علی آقا واحد

***
قلــبـــه درمـانـدی یارین صف - صف اولان مژگانی

دامــاریــن دردینــی نئشتر کیمی ، درمان بیلمه ز

صائب تبریزی

***
بزم آرا قیل بیر ایشاره خلقدن پئنهان منه

تا دوروب پروانه تک بیردن دولانیم باشیوا

حئیران خانم
***
اي كؤنول عمرومو وئردين يئله ، عاشق ليگ ايـله

باخمـــا هـــرغنچـــه لـب و گلـرخه، آه ائتمه داهي

باخـما اي جـان ، خـط ِ  رخساريـنه  محبوب لـرين

احتيــاط  ايــله ، گنـــاه اوزره گنـــاه ائتمــه داهــي

مولانا محمد فضولی

***
بیر جانیم وارایدی ای شوخ کی آلدین

او زمان ئوزگه جان داخی بو بی کسده گمان ایلمیسن

قاشلارین تیغ سیتم آلمیش اله، کیرپیگین اوخ

یولدوروبسن منی ناحق یئره قان ایلمیسن

حئیران خانوم

***
حالیم گینه چوخ اولدی یامان، ای ساقی،

قوربانین اولوم بسدور امان، ای ساقی،

کؤنلوم ائونی لشکر غم ائتدی خراب،

وئر باده کی، باغریم اولدی قان، ای ساقی

سیدابوالقاسم نباتی

***
گؤزون مردملری سرمست اولوب، تؤکمک دیلر قانیم،

دوزوبدور هر طرف پیکان، عجب خونخواره بنزتدیم

خورشید خانوم ناتوان

***
جادو گؤزونه راهیب ترسا نه مناسب؟

ایری قاشینا طاق کلیسا نه مناسب؟

دئرلر منه مجنون، سنه لیلا عشقیندن،

مجنون منه نسبت، سنه لیلا نه مناسب؟

ذکری اردبیلی

***
آناما سویله یین اوغلون ییخلیب سنگرده

تئللرین باس یاراما، قویما منی قان آپارا

شهریار

***
ای فلک درد و غمیم شرحینی جانانه یئتیر

ثبت قیل ملک خراجینی او سلطانه یئتیر

گوردی اول زلفی کونول اولدی پریشان احوال

بو پریشانلیغی اول زلف پریشانه یئتیر

حئیران خانوم

***
آرخین دا سویون آخماسا دا بنده نله،

اینسانلیغی ترک ائیله مه رم من سنله.

سوردون کی، نه ائتمیشم سنه، آچ سؤیله،

آرتیق نه دئییم، نئیله مه دین سن منله

مهستی گنجوی

***
منی بیچارییه وارمیش بو خیالین فلکین،

ظلم ایله بئله ویران اولاجاقمیش، نه بیلیم؟

اوستا زینال نقاش

***
ای ستمگر منی رسوای جهان ایلمیسن

گوزومون یاشینی چون دجله روان ایلمیسن

همنشین ایلمیسن دشمنی ای مایه ناز

رشگدن جانیم آلیب، باغریمی قان ایلمیسن

حئیران خانوم

***
آرخیندا آخان هر سویا قوربان اوللام،

خاصیتین اود! یولوندا جاندان اوللام.

هر تاپدادیغین تورپاغا اوللام بیر قول،

عطرینله گلن یئللره حئیران اوللام

مهستی گنجوی

***
دؤور روخسارینا گیسوی پریشان توتولوب،

یا کی، گول دؤورونه بیر دستۀ ریحان دوزولوب؟!

ذکری اردبیلی

***
عهدلردن کئچمه دیم، پیمانلاری سیندیرمادیم،

لاجرم، بی مهرلرتک اولموشام افسانه من

خورشید خانوم ناتوان

***
طبیبا، عشق دردین دفع ائدنمزسن مزاجیمدان،

منی بو درد بیللم اؤلدورر، ال جک علاجیمدان.

علاح دردیمه جانان لبیندن احتیاحیم وار،

علاجیم حاصل ائیله، ای معالج، اجتیاجیمدان

ذکری اردبیلی

***
سرمست گوزون، فتنه لبيــن، نشئـــه لـی باده

ايچديــر منــه اول بـادنــی، پيــــمانه سی منـدن

واحد

***



:: موضوعات مرتبط: سچیلمیش تورکی شعرلر
 
  نوشته شده توسط زهرا در جمعه پنجم خرداد 1391

 




 
 
تک بیتی ها، دوبیتی ها، رباعی های ترکی 3
 

***

ایلاهی، گؤرمه سین گؤزلر، یامان گؤندور، بئله گؤنلر

آمان وئرمیر غم و مؤحنت، هامی پیر و جوان آغلار

خورشیدخانم ناتوان

***

منــی منــع ائتــمه ای زاهـد، گوونمه ذکره ای صوفی

کــی سن مغــرورســان ذکــره منـــم مشــتاق دیداره

نسیمی

***

چَــاک سینمـــدن اولان قـــانلـــی جگـــرپــاره لری

مست چشمینده اولان قانلی غمزۀ خونخواره فدا

مولانا محمدفضولی

***

دولوب محبتون ای شوخ و دلستان دیلیمه

آلیب قراریمی الدن وئریب توان دیلیمه

کمان قاشون، گؤزون، اوخ کیپریگون، ساچین گؤزه لیم

آتیر کمند، چکیر یای گئدیر نشان دیلیمه

ذاکر کریمی

***

منیم دوریمده یاتماز بیر نفر، آمما تعجب دور

یاتان بختیم اویمانماز بیرجه فریاد و فغانیمدن

صراف تبریزی

***

بو شــراب کـوزه سینیـن کؤلگه سی بس ائتدی منه

داهــا محتــاج دئییلــم اؤزگـــه سینیــن کؤلگه سینه

صائب تبریزی

***

آمان آللاه یئنه شیطان گلیب ایمان آپارا

قوریون، قویمایون ایمانوزی شیطان آپارا

خرمنی ساققیزا وئردیک نه یامان چرچی دی بو

هی گلیر کنده بیزه درد وئره، درمان آپارا

شهریار

***

اي گــؤز، اُول نـرگس خـونخواره، نگاه ائتمه داهي

روزگـــاريــم ، غــم هجــر ايـــله سياه ائتمه داهي

اي گؤزوم ياشي، بو سرگشته ليگين، تركين قيل

ســرو قـــامـت لــره قطــع ِ ســر ِ راه ائتمــه داهـي

مولانا محمد فضولی

***

ساقیا، دور، ساغر سرشار دولدور، نوش ائدیم،

غم یئمه، گؤر چوخ یدتیبدیر غم، بو غملی جانیما

ذکری اردبیلی

***

قضا کاتیبلری دونیا ائوین غمخانه یازیمشلار

فراغت ایسته سه هر کس اونی دیوانه یازیمشلار

بیضای اردبیلی

***

ای خوش اؤ مست که بیلمز غم عالم نه ایمیش

نه چکر عالم اوچون غم، نه بیلیر غم نه ایمیش

مولانا محمد فضولی

***

وفا سیز دهریدیر عاصم، وفا سیزدان وفا اومما

خزان تاراج ائدن گلزاردن، روح صفا اومما

عاصم اردبیلی

***

ای چرخی فلک، عالمی ویران ائتدین

ضولمونله جهان مولکونو تالان ائتدین

یارساق سینه نی سنین اگر، ای تورپاق

گؤرِریک نئجه گؤوهرلر اریدوب قان ائتدین

   مهستی گنجوی

***

بنفشه گول تماشاسی غنیمت بیل کی بئش گوندور

ســاتــار معشــوقه گـول حسنـون خریـدار اول بو بازاره

ییغیــلــدی جــانینا جانی، دمی عیسی نسیمی نین

وصــال دردیـــنـــه درمـــان ایـــرشـــدی جـــان بـیمــاره

نسیمی

***

آچاندا گوزلرین آلیر بو جانی یاتاندا فتنه دورانه بنزر

باخاندا نازیله تیر نیگاهین کونولده خنجر بررانه بنزر

حئیران خانوم

***

هانـسی سینمیـشلاریمی من یئنی دن برپا ائدیم؟

قلب سینیب ، قول دا سینیب، یوخ کمکی بیر بیرینه

صائب تبریزی

***

غم یوکون چکمکدن، ای دیل، بیر دم آزاد اولمادیم،

هر چی جهد ائتدیم، نه حاصیل، یئتمه دیم جانانه من.

خورشید خانوم ناتوان

***

دئدیم عشق آتشی نئیلر منه؟ قؤرخان دگیلم

دئدی  بیچاره  یانارسان  نه گومان ایله میسن

واحد

***



:: موضوعات مرتبط: سچیلمیش تورکی شعرلر
 
  نوشته شده توسط زهرا در دوشنبه بیست و پنجم اردیبهشت 1391

 




 
 
تک بیتی، دوبیتی، رباعی های ترکی 2
 

 ***

جانیمی جانان آلیب، ناصح، منی منع ادیله مه،

بیلمیریم بیر جان نه دیر کی، قییماییم جانانیما؟!

ذکری اردبیلی

***

نئیلمیشدیم فلکین چرخ کج اندیشه سینه،

منی هیجرانه، عزیزیم، سالاجاقمیش، نه بیلیم؟

گول اولوب، بلبل اولوب، نظم گولوستان پوزولوب،

بو خزان دست قضادان قالاجاقمیش، نه بیلیم؟

اوستا زینال نقاش

***

بو قارانلیق گئجه لرده، قاپوموز پیس دوگولور

نه بیلیم، بلکه اجل دیر، دایانیب جان آپارا

شهریار

***

دیلین بولبول، ساچین سنبل، اوزون گول،

 کج اولموش کیرپیگین پیکانه بنزر

مه رخسارن ای حوری بهشتی

 گلستاندا گل خندانه بنزر

حئیران خانوم

***

ترک گولزار ائتمیشم بولبول کیمی من، ای رقیب!

عاقبت بیر گوشه ایچره گلمیشم افغانه من

خورشید خانوم ناتوان

***

زندگالیق قوراتا بیر شئیی اولوب

نیه لازم قوراتا؟ بیلمه ییرم

بیر سوموک دورکی، بوغازلاردا قالیب

کیم آتا، یا کیم اوتا؟ بیمله یرم

شهریار

***

یریم زندان ، اؤزوم یورقون ، منی بیر یوخلیان سنسن

 گئجه طوفانلی دریادا ایشیقلی بیر چراغ سنسن

 سنی قلبیمده من سؤدیم ، اونی چرپندران سنسن

؟

***

ای کمان قاش، بو قدر آتما خدنگ موژگان،

احتیاط ائیله کی، آماجینا چوخ جان دوزولوب

ذکری اردبیلی

***

آی اوزلو نگاریم کیمه مهمان اولاجاقسان

بیر سویله کیمین شانینه شایان اولاجاقسان

شاهلیق چتری وار باشین اوستونده بو آخشام

عنبر چترینله کیمه سلطان اولاجاقسان

نظامی گنجوی

***

قوش اوچار، آمما نه درمان ائله مک؟

داش ده گن قول- قانا، بیلمه ییرم

شهریار

***

او مژگان سیه نوکین خدنگ یاره بنزتدیم،

خطادیر، چشم مستین آهوی تاتاره بنزتدیم.

خورشید خانوم ناتوان

***

بویون سرو سهی، زلفون معنبر، جمالین یوسف کنعانه بنزر

قاشین عاشیقلرین قصدینه گویا خم اولموش تیغ سر افشانه بنزر

حئیران خانوم

***



:: موضوعات مرتبط: سچیلمیش تورکی شعرلر
 
  نوشته شده توسط زهرا در جمعه بیست و دوم اردیبهشت 1391

 




 
 
تک بیتی ها، دوبیتی ها و رباعی های 1
 

***
أوره گیمدن خبر آلسان: "نئجه کئجدی عمرون؟"

گؤز یاشیملا یازاجاق :"من گونوم آغلار کئچدی"

 شهریار

***
گذرین دوشسه در دلبره، ای باد صبا،

یئتیر عرضیم او گول احمره، ای باد صبا!

تاب دنن سالدی کتان تک بو دل بیتابی،

نئیلمیشدیم او مه انوره، ای باد صبا؟!

سیّد عظیم شیروانی

***
ائیله مستم بیلمزم کیم، مئی نه دیر، مینا ندیر!

گول ندیر، بولبول ندیر، سونبول ندیر، صحرا ندیر!

سید ابولقاسم نباتی***
منیم ای نازنین دوستوم زمستانین بهار اولسین

سعادت تاجی همیشه باشیندا برقرار اولسین

اومیدیم وار او حقه نیازین اولماسین خلقه

سنی خار ایستین ظالم ، ذلیل روزگار اولسین

؟

***
بیر صبادیر قاصیدیم، یئل اسمگه جان تله سیر

  او دا بولمور حالیمی، دوزمه گیمی، گئج گئج اسیر

امید الهامی علمداری
***
آغ گؤرچین، نه روادیر که ایشیقلیق قوشی سن تک

یاتا بایقوش یوواسیندا قالا خفاش آراسیندا

شهریار

***
چوروتدوک، عؤمروموزو بی وفالار عشقینده

بو نازلی، غمزه ساتان، مه لقالا عشقینده

علی آقا واحد

***
بو دنیا، فانی دیر، فانی

بو دنیا ده قالان هانی؟

داود اوغلو سلیمانی

تخت أوستوندن سالان دنیا

 خسته قاسم

***
بیرگویرچین تکی دنسیزلمیشم

بولبولم یایدا چمن سیز لمیشم

ئوز دیاریمدا وطن سیز لمیشم

هیچ بیلیرسن نئجه سن سیز لمیشم

شهریار

***
مداد اولسا اگر دریا، قلم اولسا اگر اشجار،

باشا یئتمز غمیم شرحی، قلم هر لحظه قان آغلار.

خورشید خانوم ناتوان

***
اگر من نقاش اولام دونیانی زندان چکرم

اولومی ، آیرلیقی ، حسرتی پشمان چکرم

اگر من صیاد اولام ، سن کیمین جیران اودونا

اوره گی پاره ادیب عشقیوه هیجران چکرم

؟
***
«حمد و لیل الله»، یاریمین گؤردوم اوزون،

دل ربا دلداریمین گؤردوم اوزون،

طورسی طراریمین گؤردوم اوزون،

گؤزلری مکاریمین گؤردوم اوزون.

سید عماد الدین نسیمی

***
افغان دیر ایشیم سرو خرامانین ایچون،

قان دیر جگریم غنچۀ خندانین ایچون،

عشقین ده غم و غصه چکیب پیر اولدوم،

من پیره ترحم ائت ایگیت جانین ایچون

مولانا محمد فضولی

***
ای فلک درد و غمیم شرحینی جانانه یئتیر

ثبت قیل ملک خراجینی او سلطانه یئتیر

داهی یوخ تاب و توان جسم ضعیفیمده منیم

یا کی آل جانیمی یا دردیمی درمانه یئتیر

حئیران خانوم

***
یالان دنیا!

بوغلایدین، دوغان یئرده

دوغوب خلقی بوغان یئرده

اوغول نعشین اوغان یئرده

آنا زولفون یولان دنیا

 شهریار

***



:: موضوعات مرتبط: سچیلمیش تورکی شعرلر
 
  نوشته شده توسط زهرا در سه شنبه نوزدهم اردیبهشت 1391

 




 
 
مطالب پیشین
 
 

 

Powered By blogfa.com Copyright © 2009 by takbayti
This Template  By Theme-Designer.Com

 
 

.:: Menu ::.

صفحه ی نخست
پست الکترونیک
پروفایل مدیر وبلاگ
آرشیو مطالب
عناوین مطالب وبلاگ
لينك rss
طراح قالب

 

.:: About ::.

شاعر نیم و شعر ندانم که چه باشد

من مرثیه ساز دل دیوانه ی خویشم

.:: Categories ::.

اشعار ناب فارسی
سچیلمیش تورکی شعرلر
شاعران برون مرزی
مذهبی
شاعران امروز

.:: Links ::.

حرفه ای ترین قالب هاي وبلاگ
استخاره
چت روم
تورکی شاه بیت لری ( فیسبوک)
تک بیت های ناب (فیسبوک)
اشعار ناب- وبلاگ ديگر نويسنده
خلوت من- وبلاگ ديگر نويسنده
اشعار عاشورايي- وبلاگ ديگر نويسنده
وامق
تار آذربایجان
باهم زندگی( دخترباران - واله)
نی زیباترین ساز دل
تئلیم خان
اشعار ترکی و فارسی(کیان)
نانوشته ها یا نان و شته ها(هذیانهای بی کسی)
سكسه هاي يك مست
از آن شبی که برنگشتی...
احادیث قدسی
شکوه لحظه ها
دل بریده
عارفانه
عاشقانه ( سکوت)
تک بیت روز
اشعار طنز فارسي
عاشقانه ها
کتابخانه دیجیتال فرهنگسرای عطار
زهی عشق
طلوع روشنایی
یادگیری فوق سریع لغات زبان
شعرهای بسیار زیبا
بهترين و زيباترين اشعار و قطعات فارسی
حرف هایی برای نگفتن
در دل شب
بیت بیت

.:: LinkDump ::.

اشعار مذهبی- وبلاگ دیگر نویسنده
خلوت من- وبلاگ دیگر نویسنده
اشعار ناب - وبلاگ دیگر نویسنده
لیست تمام پیوند ها

.:: Others ::.

Google

در اين وبلاگ
در كل اينترنت

فال حافظ

Google PageRank Checker Powered by  MyPagerank.Net

.:: Archive ::.

آبان 1393
مهر 1393
شهریور 1393
مرداد 1393
تیر 1393
خرداد 1393
اردیبهشت 1393
فروردین 1393
اسفند 1392
بهمن 1392
دی 1392
آذر 1392
ادامه ی آرشیو ماهانه