***

رسم دور یولاردا گوزلر ساربان  یول  خسته  سین

سنده  گوزله   فانی  دونیانین  دوشن  پا  بسته  سین

بی وفا   دنیایه    خاطر   آتما   یوخسول  دوستوی

کسکین اولسا هر قدر کسمز پیچاق اوز  دسته سین

؟

***

قاش سوزور آی دولانور کیرپیگی اوخ نیزه کیمی

سانجیلیب   دیر   گوزومه    لشکر   مژگانیه  باخ

حیران خانوم

***

بیر قوشام،غم لر یوروب،گزمک ده خوش گلمیر منه

باده لر  بیر بیر  دؤلور، ایچمکده   خوش گلمیر  منه

غملروندن   بیر  زامان   شاهلیق    ادیردیم    عالمه

سن  گئدن  گوندن  بری  غملرده  خوش  گلمیر  منه

؟

***

هرنه ائدین دینمه دیم فیکر ایله دین کی بیلمه دیم

اوز خیالیندا دئدین گور نه شهامت ایله دین

بوینوما زنجیر سالیب مجنونه آرخا دورموشام

بو ضلالت حالیمی گورجک رضایت ایله دین!

حسن کیانور

***

لبينده عاشقه اوْلسـايدي استـفاده يئــري

قدح ده قانه دؤنوب قالماز ايـدي باده يئــري

علی آقا واحد

***

بیر قوجاق گول باغلادیم،گوز یولدا قالدیم گلمدون

عطریوی  گاه  دردیغیم   گوللردن  آلدیم  گلمدون

سن یوباندین،انتظاردان  سولدی  بیربیر   گوللریم

تز سولان گوللرکیمین سولدوم، سارالدیم  گلمدون

؟

***

صداقت وارسا گر سنده قدم قوي خانه مه ساقي

نظر سال هجريدن ويران اولان ويرانه مه ساقي

صامت

***

مني  بير تلخ  گفتاريله  ديندور ، آرزومندم

سنون زهرون گلير شيرين مذاق جانه، معجون تك

صراف تبریزی

***

كيتاب حسنوني قاب ائتميشم منده سينيق قلبه

اوْنا يئر وئرميشم اوْردا اؤزوم آهسته، آهسته

سیدمحمود عبادی

***

اولا   بیر    حاکم     عادل    یغا     دیوانه   لری

آچا      زنجیر     جفادن     بوتون     آلوده  لری

سالار جارچی  بازارا  های   سئون آلسین  سئونی

اوندا قورخوم  بودو کی  هامی  سئوه   من  سونی

؟

***

کؤنلومی  خالینـــه  بنـــد  ائتـــدی  زنخــــدان  ایچــــره

یوسفیــم   بسـته  زنـــدان  اولاجاقمیش، نه  بیــلیـــم

علی آقا واحد

***

بير ياخشي نمادم فلكين اوْيناجاغيندا

حكم ائيليه بيلمير منه داور گئجه گوندوز

سیدمحمود عبادی

***

اي عاشقي مين درده ساليب اوْينادان هجران

معشوقي  بو  گوندن  صاباحا  آلدادان  هجران

قوردون يوْلوم اوسته توْرونو دامينه دوشدوم

يارين  اوزونو  گؤرمه گه يوْل باغلادان  هجران

صامت

***